El Táýelsizdiginiń 30 jyldyǵyn merekeleý aıasynda «Qaıyrymdy ister marafony» jalpyulttyq jobasy júzege asyp jatyr. Bıyl «Qaıyrymdy ister marafony» aıasynda respýblıkalyq jáne qalalyq deńgeıde barlyǵy 953 is-shara josparlanyp otyrsa, onyń ekeýi respýblıkalyq, 436-y qalalyq, 549-y aýdandyq deńgeıde ótedi.
Almaty qalasynda ótetin is-sharalar ár aıdaǵy ataýly kúnder men merekelerge arnalady. О́ńirlik kommýnıkasııalar qyzmetinde ótken baspasóz konferensııasynda Almaty qalasy Qoǵamdyq damý basqarmasy basshysynyń orynbasary Renat Bekbergenov jyl basynan beri júzege asqan jáne alda josparlanyp otyrǵan is-sharalar barysyna toqtaldy. Mysaly, maýsym aıynda Almatyda memlekettik rámizder kúnine, medısına qyzmetkerleri kúnine jáne polısııa kúnine arnalǵan 70-ten asa túrli shara ótken. Sol is-sharalar barysynda turǵyn úı terezelerine jalaýlar qoıylyp, Ánuran bir mezgilde oryndalǵan. Adamdar kóp jınalatyn aýmaqtarda Memlekettik tý taratylyp, avtokólikter men motojarystar ótse, shilde aıynda astana kúnine arnalǵan onlaın jáne oflaın formattaǵy is-sharalar kópshilikti tánti etti.
Sondaı-aq R.Bekbergenov qalada júzege asqan mańyzdy oqıǵalar qatarynda 25 ónerkásiptik jáne áleýmettik-mádenı nysan paıdalanýǵa berilgenin, onyń ishinde Qazaqstan-Shveısarııa týrızm jáne qonaqúı bıznesi ınstıtýty, Ads Industries farmzaýyty, «Terrenkýr» jaıaý júrginshiler aımaǵy, jańa balabaqsha men mektepter ashylǵanyn atap ótti. Onyń aıtýynsha, ekinshi jartyjyldyqta qala ákimdigi «Qaıyrymdy ister marafony» aıasynda 800-den asa is-shara ótkizýdi josparlap otyr. Tamyz aıynyń sońy men qyrkúıek aıynyń basynda ustazdardyń tamyz konferensııasy men Konstıtýsııa kúnine arnalǵan aýqymdy is-sharalardy ótkizý josparlanǵan. Sondaı-aq Almatyda «Táýelsizdik jetistikteri» taqyrybynda biryńǵaı qalalyq synyp saǵaty men ashyq sabaqtar ótip, aǵartýshy-ǵalym Ybyraı Altynsarınge arnalǵan eskertkish pen 13 jańa bilim berý nysanyn ashý josparlanýda.
Jyl sońyna deıin qala turǵyndaryn kóptegen qyzyqty oqıǵa kútip tur. Mysaly, qarasha aıynda ındýstrııalyq-ınnovasııalyq jáne áleýmettik nysandardy iske qosý, «Almaty – táýelsizdiktiń altyn besigi» respýblıkalyq forýmy jáne Creative jastar ınnovasııalyq jobalar baıqaýy sııaqty is-sharalar ótedi. Jeltoqsan aıynda qalada Tuńǵysh Prezıdent kúnine arnalǵan sharalarmen qatar «Táýelsizdik shejiresi» taqyryptyq kórmeleri, ǵylymı-praktıkalyq konferensııalar josparlanǵan. Jeltoqsan oqıǵasynyń 35 jyldyǵyna arnalǵan ataýly kúnge erekshe nazar aýdarylyp, ataýly kún qarsańynda qaıyrymdylyq is-sharalary ótkizilip, muqtaj jandarǵa qajetti qoldaý sharalary kórsetiledi.
«Qaıyrymdy ister marafony» respýblıkalyq jobasy aıasynda 396 ártúrli formattaǵy is-shara júzege asady. Jobanyń arqasynda muqtaj otbasylarǵa azyq-túlik jıyntyǵy túrinde materıaldyq qoldaý kórsetilip, turǵyn úıdi jóndeýge múmkindik beriledi. Búginge deıin 22 myńǵa jýyq almatylyqqa qoldaý kórsetilgen. Almaty kásipkerleri de «Qaıyrymdy ister marafonyna» belsene qatysýda. Osy jaıynda aıtyp ótken Almaty qalasy «Qazaqstan uıǵyrlarynyń respýblıkalyq mádenı ortalyǵy» qoǵamdyq birlestigi ókildigi tóraǵasynyń orynbasary Dolkýntaı Abdýhalıldiń málimeti boıynsha Metal Prom Group kompanııalar toby ótken jyly qaıyrymdylyqqa 105 mln teńge jumsap, jalpy alǵanda, sońǵy úsh jylda muqtaj jandarǵa 450 mln teńge kóleminde qaıyrymdylyq kómek kórsetken. Qaladaǵy barlyq kásipker úshin qaıyrymdylyq sharasy – áleýmettik jaýapkershiliktiń basty kórinisi.
«Egemen-aqparat»