Halyqaralyq shahmat federasııasynyń bas dırektory Rınat Jumabaevtyń jeńisin úshinshi kezeńniń eń úlken sensasııasy dep atady. Ol FIDE Álem kýbogynyń vıse-álem chempıony, AQSh-tyń grossmeısteri Fabıano Karýanany jeńdi, dep habarlaıdy Egemen.kz Qazaqstan shahmat federasııasyna silteme jasap.
«Bizdiń quramanyń kóshbasshysyna jeńis ońaı kelgen joq. Ol qara túspen oınady. Qarsylaspen qyńyr kúrestiń barysynda standartty emes araqatynasy bar pozısııalar paıda bolyp, jerlesmiz qarsylaspen qatań kúrestiń arqasynda jeńiske jetti», dep habarlady Qazaqstan shahmat federasııasy.
Aıta ketsek, keshegi ótken týrda qazaqstandyq grossmeıster teń oıyn ótkizdi. Ol 1,5: 0,5 esebimen FIDE Álem Kýbogynyń kelesi kezeńine joldamany qamtamasyz etip, óziniń basty qarsylasy atanǵan kýbok favorıtteriniń birin jarys jolynan shyǵaryp otyr.