2021 jylǵy 27 shildede saǵat 22.30-da QR EGTRM Balyq sharýashylyǵy komıtetiniń Jaıyq-Kaspıı oblysaralyq basseındik balyq sharýashylyǵy ınspeksııasynyń qyzmetkerleri Batys Qazaqstan oblysy polısııa departamentiniń qyzmetkerlerimen birlesip «Krýgloozernoe» kenti aýdanynda Jaıyq ózeninde reıdtik is-sharalar ótkizý kezinde bekire tuqymdas balyqtardy zańsyz aýlaǵan úsh azamatty ustady, dep habarlaıdy Egemen.kz Ekologııa, geologııa jáne tabıǵı resýrstar mınıstrligine silteme jasap.
Sol jerde jalpy salmaǵy 1,6 kg bolatyn «sterlet» túriniń eki danasy jáne salmaǵy 0,2 kg bolatyn balyq aýlaýǵa arnalǵan qural tabylyp, tárkilendi. Esepteýlerge sáıkes, balyq resýrstaryna zııan 467 500 (tórt júz alpys jeti myń bes júz) teńgeni qurady.
Janýarlardyń sırek kezdesetin jáne quryp ketý qaýpi tóngen túrlerin aýlaý úshin jaýapkershilik QR QK-niń 339-babynda (sırek kezdesetin jáne Quryp ketý qaýpi tóngen, sondaı-aq paıdalanýǵa tyıym salynǵan ósimdik nemese janýar túrlerin, olardyń bólikterin nemese derıvattaryn zańsyz paıdalaný) úsh jyldan jeti jylǵa deıingi merzimge bas bostandyǵynan aıyrý túrinde kózdelgen. Osyǵan baılanysty, ınspeksııa qyzmetkerleri jınaǵan materıaldar qylmystyq is qozǵaý úshin tabıǵatty qorǵaý polısııasynyń qyzmetkerlerine berildi. Atalǵan fakti QR EGTRM Balyq sharýashylyǵy komıtetiniń baqylaýynda.