Qazaqstannyń Syrtqy ister mınıstrligi Túrkııadaǵy orman órtine baılanysty qazaqstandyq týrısterdiń jaǵdaıyna qatysty túsinikteme berdi, dep habarlaıdy Egemen.kz.
Birneshe kún boıy Túrkııanyń birneshe provınsııasynda tabıǵı órt boldy. BAQ málimetinshe, jaǵdaı birtindep jaqsaryp keledi. Marmarıs jáne Bodrým qalalarynda qatty órt bolǵan kezde jergilikti turǵyndar men týrıster qonaqúılerden evakýasııalandy.
SIM baspasóz qyzmetindegiler «Qazaqstan azamattarynyń eshqaısy konsýldyqtan kómek suraǵan joq» degen túsinikteme berdi.
«Týrıstik agenttikter týrısterdi qaýipsiz jerge jetkizedi», dep túsindirdi SIM.
31 shildede Qazaqstan Prezıdenti Qasym-Jomart Toqaev Túrkııa Prezıdenti Rejep Taıyp Erdoǵanǵa órtke baılanystyn janashyrlyq bildirip, jedelhat joldady. Memleket basshysy Qazaqstan barynsha gýmanıtarlyq kómek kórsetýge daıyn ekenin atap ótti.