Aýǵanstan astanasy Kabýlda joıqyn jarylys bolyp, sońy atysqa ulasty, dep habarlaıdy Egemen.kz «Habar 24» arnasyna silteme jasap.
Oqıǵa kezinde 6 adam qaza taýyp, taǵy birneshe kisi jaraqat alǵan.
«Reıter» agenttiginiń habarlaýynsha, qurban bolǵandardyń 3-ýi qylmysker, qalǵany beıbit turǵyndar. Úkimet ǵımaraty ornalasqan aýdanda mına ornatylǵan kólik jarylǵan. Sodyrlardyń kózdegeni Aýǵanstannyń Qorǵanys mınıstriniń úıi bolǵan sııaqty. Bul ýaqytta sheneýniktiń ózi shańyraǵynda bolmaǵan, otbasy músheleri men sol mańda turatyn adamdar shuǵyl qaýipsiz jaqqa kóshirildi. Qazir shabýyl jasalǵan aýmaqtaǵy barlyq joldar jabyq. Jarylysty ázirge eshbir uıym óz moınyna alǵan joq.
Esterińizge sala keteıik, ótken aıdan beri «Talıban» qozǵalysy eldiń ońtústik jáne batys provınsııalaryna tolassyz shabýyl jasap jatyr.