Qyzylorda oblysy Polısııa departamentiniń qyzmetkerleri «Qarasora-2021» jedel profılaktıkalyq is-sharasy barysynda Aral aýdanynda jergilikti eki turǵynnyń óz úıleriniń baqshasyna sora ósimdigin ekkendin anyqtady, dep jazady Egemen.kz.
Jedel tergeý toby júrgizgen izdestirý sharalarynyń barysynda kúdikti retinde sol aýdannyń 39 jáne 47 jastaǵy turǵyndary ustaldy.
Bul derek boıynsha Qazaqstan Respýblıkasy Qylmystyq kodeksiniń 300-babynyń 2-bóliginiń 3-tarmaǵymen sotqa deıingi tergep-tekserý amaldary júrgizilýde. Oqıǵanyń mán-jaıy anyqtalýda.