Túrkistan oblysynda jalǵan júrgizýshi kýáligin jasatqan azamat ustaldy, dep habarlaıdy Egemen.kz.
Maqtaaral APB-ǵa «Jetisaı» shekaralyq baqylaý bólimshesiniń qyzmetkerlerinen habarlama túsken. Onda QR azamaty «DAF» markaly júk kóligimen О́zbekstan Respýblıkasynan elge kirgen azamattyń qujatynda bir kinárat bar ekendigi týraly kórsetilgen. Habarlamany alǵan Maqtaaral APB-nyń polısııa qyzmetkerlerinen tájirıbeli top qurylyp, birden oqıǵa ornyna keldi. Osylaısha, el aýmaǵyna kirmek bolǵan azamattyń qujattary muqııat tekserildi.
Nátıjesinde er adamnyń júrgizýshi kýáliginiń jalǵan ekenin anyqtady. Tártip saqshylary atalǵan jaıtty QR QK-niń 385-baby «Jalǵan qujattardy, mórtabandardy, mórlerdi, blankilerdi, memlekettik poshta tólemi belgilerin, memlekettik nagradalardy qoldan jasaý, daıyndaý nemese ótkizý» boıynsha SDTTBT-ǵa tirkep, kúdikke ilingen azamatty PB-ǵa jetkizdi.
Belgili bolǵandaı kúdikti azamat buǵan deıin 6 aıǵa júrgizýshi kýáliginen aıyrylǵan. Sodan soń tanysynyń júk kóligin aıdap, júrgizýshi bolyp jumys isteý maqsatynda jalǵan júrgizýshi kýáligin jasatyp alǵan. Polıseıler osy atalǵan jaıtqa baılanysty QR QK-niń 385-baby boıynsha is-qujattardy jınaqtap, zańdy sheshim qabyldaý maqsatynda Maqtaaral aýdandyq sotyna joldandy. Qazirgi tańda sot kúdikti azamatty kináli dep tanyp, 29 170 teńge kóleminde aıyppuldy óteý týraly úkim shyǵardy.