«Álippe» jáne «Býkvar» oqýlyqtary Qazaqstan mektepterine qaıta oralyp jatyr. Búgin Bilim jáne ǵylym mınıstri Ashat Aımaǵambetov apparat jınalysynda oqýlyqtardy tanystyrdy, dep jazady Egemen.kz vedomstvonyń baspasóz qyzmetine silteme jasap.
«Birinshi qyrkúıekte ótetin is-sharada biz alǵash ret mektep tabaldyryǵyn attaǵan oqýshylarǵa saltanatty túrde «Álippe» oqýlyǵyn tabys etýimiz kerek. Bul – ıgi dástúr. Atalǵan baǵyttaǵy jumysty ýaqytyly uıymdastyrý kajet. «Álippe» – búldirshinderdiń alǵashqy oqýlyǵy. «Álippe» oqýlyǵy ázirlenip, óńirlerge jetkizilip jatyr. «Álippe» ult ustazy Ahmet Baıtursynulynyń ádistemesi negizinde jasaldy», dep atap ótti Bilim jáne ǵylym mınıstri Ashat Aımaǵambetov.