Aýyl sharýashylyǵy mınıstri mindetin atqarýshy Erbol Qarashókeev aldaǵy ýaqytta et baǵasy qymbattaýy múmkin ekenin aıtty, dep habarlaıdy Egemen.kz baq.kz-ke silteme jasap.
«Álemde azyq-túlik qymbattap jatyr. Sondyqtan et baǵasy kóterilýi múmkin. Biraq naqty boljamdy aıta almaımyn. Aýyl sharýashylyǵy mınıstrligi maldan aıyryp qalmaýy úshin tıisti jumysty júrgizedi», dedi basshy AShM-de ótken baspasóz máslıhatynda.
Sondaı-aq Erbol Qarashókeev ettiń qymbattaýyna qatysty jeke pikir bildirdi.
«Aýyl sharýashylyǵy mınıstri retinde aıtaıyn. Et baǵasy óskende birtúrli sezim bolady. Birinshiden, mal ósirýshiler úshin qýanamyn. Olardyń jumysy aýyr ǵoı, biraq baǵa ósip jatyr. Al ekinshi jaǵynan baǵa qarapaıym turǵyndardyń qaltasyna aýyr salmaq túsirmesin dep oılaımyn. Bul jumysty Aýyl sharýashylyǵy mınıstrligi ǵana emes, Saýda jáne ıntegrasııa mınıstrligi, jergilikti atqarýshy organdar birigip júrgizýi qajet», dedi mınıstrdiń mindetin atqarýshy.