Bul týraly Úkimet otyrysynda Qyzylorda oblysynyń ákimi Gúlshara Ábdiqalyqova baıandady, dep jazady Egemen.kz.
Ákimniń aıtýynsha, oblysta indet juqtyrǵan 12 580 adam tirkelgen. Onyń 77 paıyzy jazylyp shyqty. Pnevmonııamen aýyrǵan 1867 naýqastyń 1580-i emdelip shyqty.
Osy jyldyń maýsym-shilde aılarynda ınfeksııalyq tósek-oryn sany 585-ten 2340-qa deıin, al reanımasııalyq tósek oryn-sany 90-nan 172-ge deıin kóbeıtilip, qazirgi tańda júkteme 55 paıyzdy qurap otyr.
Rezervtik tósek-oryn sanyn qosqanda 3200 tósek-orny ázirlenip, onyń 518 orny ortalyqtandyrylǵan ottegimen jabdyqtalǵan.
«Qurylysy 2020 jyly bastalǵan modýldik stasıonar jumysy iske qosylyp, naýqastardy qabyldaý bastaldy. Rejımdi túrde 6 ottegi shyǵarý stansııasy jumys isteıdi. Dári-dármek qory qalyptasqan. Koronavırýs ınfeksııasyna qarsy kúres jumystaryna qajetti medısınalyq kadrlar men qural jabdyqtar jetkilikti», dedi ákim.
Oblysta ujymdyq ımmýnıtetti qalyptastyrý maqsatynda ekpe alýǵa qabiletti 401 myń turǵynnyń 61,4%-y vaksına saldyrdy. Qyrkúıek aıynda kórsetkish 85%-ǵa oryndalady dep josparlanǵan.
«Qazirgi tańda monıtorıngtik top jumystary kúsheıtildi. Búginge deıin 167 monıtorıngtik toppen 12 441 nysanǵa reıdtik tekseris júrgizildi. Nátıjesinde 459 karantın talaptaryn buzý jaǵdaılary anyqtalyp, 33,4 mln teńge aıyppul salyndy», dedi ákim.
Tamyz aıynda 398 nysanǵa tekseris júrgizilip, nátıjesinde 56 karantın talaptaryn buzý jaǵdaılary anyqtalyp, 3,1 mln teńge aıyppul salyndy.