2021 jyldyń 13 tamyzy kúni Fitch Ratings halyqaralyq reıtıng agenttigi Qazaqstan Respýblıkasynyń táýelsiz kredıt reıtıngin «VVV» deńgeıinde rastady, dep jazady Ulttyq bankke silteme jasap.
Fitch Ratings sarapshylarynyń pikirine súıensek, koronavırýs pandemııasy men munaı baǵasynyń quldyraý kezinde Ulttyq qordaǵy aktıvter men Ulttyq Banktegi rezervterdiń aıtarlyqtaı kólemi Qazaqstan ekonomıkasyna turaqtylyǵyn saqtaýǵa múmkindik berdi.
Fitch Ratings 2020 jylǵy ekonomıkalyq shoktarǵa memlekettiń syrtqy rezervteriniń turaqty deńgeıde saqtalýyn – syrtqy rezervterdi tıimdi ınvestısııalaýmen jáne altyn baǵasynyń joǵarylaýymen baılanystyrady. Fitch Ratings agenttiginiń baǵalaýynsha, Qazaqstannyń halyqaralyq rezervteri birinshi jartyjyldyqtyń qorytyndysyna sáıkes JIО́-niń 47% qurady, bul «VVV» reıtıngisine jatatyn memleketter tobynyń ortasha kórsetkishterimen salystyrǵanda áldeqaıda joǵary.
Agenttik aıyrbastaý baǵamynyń ıkemdiligi 2020 jyly munaı baǵasynyń qubylýyn báseńdetip, halyqaralyq rezervterdi saqtap qalýǵa múmkindik bergenin atap ótti. Fitch Ratings sarapshylary 2021 jyly beırezıdentter tarapynan QR jergilikti memlekettik oblıgasııalaryna qyzyǵýshylyq artqanyn málimdedi.
Kontrsıkldyq qaǵıdaǵa negizdelgen jańa fıskaldy erejeni engizý, Agenttiktiń pikirinshe, Ulttyq qor aktıvteriniń jınaqtalýyna yqpal etip, makroekonomıkalyq saıasattyń tıimdiligin arttyratyn bolady.
Fitch Ratings agenttiginiń aqparatyna sáıkes, memlekettegi aǵymdaǵy ınflıasııa máni «VVV» reıtıngine ıe memleketter arasyndaǵy ortasha mánnen joǵary. Sonymen qatar, Agenttiktiń baǵalaýy boıynsha, Qazaqstandaǵy ınflıasııanyń aǵymdaǵy údeýi azyq-túlik ónimderi men energoresýrstar baǵasynyń álemdik deńgeıde ósýine, sondaı-aq ishki tutynýshylar tarapynan suranystyń artýyna baılanysty týyndap otyr.
Agenttik sarapshylary tólem balansy aǵymdyq shotynyń defısıti munaı baǵasynyń joǵarylaýy men ORES+ engizgen óndiriske qatysty shekteýlerdi bosańsytýǵa baılanysty 2021 jyly JIО́ 0,7%-ǵa deıin tómendeıdi (2020 jyly JIО́ - 3,7%) dep boljaıdy.
Fitch Ratings boljamyna sáıkes, Qazaqstan ekonomıkasynyń ósimi 2021 jyly - 3,5%, al 2022 jyly – 4%quraıtyn bolady.