Avstralııanyń Sıdneı qalasynda koronavırýstyń taralýyna baılanysty turǵyndardyń qaladan arnaıy ruqsatsyz shyǵýyna tyıym salyndy, dep habarlaıdy Egemen.kz baq.kz-ke silteme jasap.
Jańa Ońtústik Ýels úkimeti Avstralııanyń eń úlken qalasyna qatysty jańa erejelerdi maquldady. 9News habarlaǵandaı, bılik Sıdneı azamattarynyń saıajaıdaǵy demalysyn toqtatýǵa tyrysyp jatyr.
Sıdneı mańyndaǵy 12 qalada da shekteý kúsheıtildi. Atap aıtqanda, erli -zaıyptylar úshin tirkeý qajet jáne olar bir-birinen bes shaqyrymnan aspaıtyn jerde tursa ǵana kezdese alady.
Jańa Ońtústik Ýelste maýsymnyń aıaǵynan beri lokdaýn jarııalanǵanyna qaramastan, COVID-19 juqtyrǵandar sany artyp keledi. О́tken táýlikte 390 jańa jaǵdaı anyqtaldy. Bul shtatta pandemııa bastalǵaly beri rekordtyq kórsetkish.