«Talıban» kóterilisshileri jeksenbi kúni Aýǵanstan astanasy Kabýlǵa basyp kirdi. Bul týraly Reuters agenttigine Ishki ister mınıstrliginiń resmı ókili habarlaǵan, dep jazady Egemen.kz.
Joǵary laýazymdy sheneýnik Reuters agenttigine «Talıban» barlyq jaqtan keledi» dep málimdegen, biraq tolyq málimet bermegen.
Aýǵanstan prezıdenti saraıy tvıtterde atys Kabýldyń aınalasynda birneshe jerde estilgenin, biraq halyqaralyq qaýipsizdik kúshteri qalany baqylaýda ustaıtyny aıtylǵan.
AQSh barlaý qyzmetiniń baǵalaýy boıynsha, Kabýl sodyrlarǵa kem degende úsh aı qarsy tura alady.
«Talıban» ókili Reuters agenttigine bergen suhbatynda adam shyǵynyn qalamaıtynyn, sebebi jaýapkershilikti óz moınyna alǵanyn, biraq atysty toqtatpaǵanyn málimdedi.
Aýǵanstan Prezıdenti Ashraf Ǵanı jaǵdaı týraly málimdeme jasamady.