Nur-Sultanda 159 mekeme «Ashyq» jobasynyń kóshbasshylar tizimine endi, dep jazady Egemen.kz.
Nur-Sultanda «Ashyq» jobasy kóshbasshylarynyń tizimi jańartyldy, dep habarlaıdy elorda ákimdiginiń resmı saıty.
Ashyq jobasynyń jańartylǵan kóshbasshylar tizimine áýejaı, vokzaldar, iri saýda oıyn-saýyq ortalyqtary, bólek ornalasqan dúkender, mádenıet nysandary, qoǵamdyq tamaqtaný oryndary, basseınder, SPA-ortalyqtar jáne t.b. endi.
Joba kóshbasshylarynyń tizimin qala ákimdigi «Ashyq» jobasyna qatysatyn nysandarda (eki aptalyq kezeńde) QR-kod arqyly tirkelgen kelýshilerdiń málimeti negizinde qalyptastyrady.
Esterińizge sala keteıik, «Ashyq» kóshbasshysy» statýsyn alǵan joba qatysýshysy «qyzyl» aımaqta ornalassa, «sary» aımaqtyń sharttary boıynsha, al «sary» aımaqta «jasyl» aımaqtyń sharttary boıynsha jumys isteı alady.
«Jasyl» jáne «qońyr qyzyl» aımaqtardaǵy joba qatysýshylaryna jumys tártibi qosymsha 2 saǵatqa uzartylady, sondaı-aq nysannyń toltyrylýy 10%-ǵa artady.