Alaıaqtar qońyraý shalyp, ózin «Nur Otan» partııasynyń qyzmetkeri retinde tanystyryp, 960 myń teńge kóleminde tólem jasaýdy usynady. Bul úshin olar SMS arqyly jiberilgen kodty málimdeýdi suraıdy, dep habarlaıdy Egemen.kz StopFake-ke silteme jasap.
Habarlamada tótenshe jaǵdaı kezinde memleketten 42 500 teńge alǵandar úmitker 960 myń teńge ala alatyny týraly jazylǵan. Ol úshin alaıaqtar 1414 qysqa nómirinen kelgen SMS habarlamadaǵy kodty aıtýdy suraıdy.
«Ulttyq aqparattyq tehnologııalar» AQ osy nómirden áleýmettik tólemder habarlamasy jiberilgeni týraly aqparatty joqqa shyǵardy.
«Qurmetti paıdalanýshylar, azamattarǵa ártúrli qurylymdardan habarlasyp, 1414 -ten alynǵan kodty ýdf suraıtyndar kóbeıgen. UAT áleýmettik tólemderdi alý úshin 1414-ten kod jibermeıtinin eskertemiz. Alaıaqtarǵa eshqandaı aqparatty bermeýdi jáne 1414-ten alynǵan kodty úshinshi tulǵalarǵa aıtpaýdy suraımyz», delingen uıym habarlamasynda.
Alaıaqtardyń mundaı áreketteri áleýmettik ınjenerııa dep atalady. Bul adamnyń psıhologııasyn eskere otyryp, jeke derekterdi zańsyz alý ádisi. Mysaly, keı alaıaqtar bank qyzmetkeri retinde habarlasyp, abonenttiń esepshotyndaǵy qaýipsizdikti qamtamasyz etý úshin qupııa derekterdi suraıdy.