Bilim alýshylardyń bilim jetistikterin monıtorıngteý engiziletin bolady. Bul týraly Bilim jáne ǵylym mınıstri Ashat Aımaǵambetov tamyz konferensııasynda aıtty, dep jazady Egemen.kz.
Búgingi tańda elimizdegi barlyq mektep oqýshylardyń fýnksıonaldyq saýattylyǵyn damytýǵa baǵyttalǵan jańartylǵan mazmun boıynsha jumys isteıdi. Sondyqtan orta bilim berýdi syrttaı baǵalaý modeli jetildirildi. Endi OJSB - oqý jetistikterin syrttaı baǵalaýdyń ornyna bilim alýshylardyń bilim jetistikterin monıtorıngteý (MODB) engiziletin bolady. Buǵan deıin oqý jetistikterin syrttaı baǵalaý fýnksıonaldyq saýattylyqty emes, pándik bilimdi ólsheý arqyly júrgizilgen bolatyn.Aıta keteıik, MODB memlekettik baqylaý nysany emes jáne bilim alýshylar, oqytýshylar men bilim berý uıymdary úshin zańdy saldary joq. Árbir mektep MODB qorytyndysy boıynsha bilim alýshylardyń oqý jetistigi týraly aqparat alady. Bilim berý uıymdarynda oqytý men oqytýdy damytý týraly usynys beriledi.