20 tamyz kúni saǵat 01.00-de Sátbaev qalasynda belgisiz bireý 41 jastaǵy qala turǵynyn atyp óltirdi. Er adam oqıǵa ornynda kóz jumdy, dep habarlaıdy Egemen.kz.
Atalǵan fakti boıynsha QR QK-niń 99-baby «Adam óltirý» áreketi boıynsha qylmystyq is tirkeldi.
«Oqıǵa ornynda Qaraǵandy oblysy Polısııa departamentiniń jáne Sátbaev qalasynyń polısııa basqarmasynyń jedel-tergeý toptary jumys isteýde. Jasalǵan qylmystyń túrli nusqalary tekserilip jatyr», dep habarlady Qaraǵandy oblysy Polısııa departamentiniń baspasóz qyzmeti.
Qazirgi ýaqytta tergeý-jedel is-sharalary júrip jatyr.