Shymkenttik polıseıler karantındik shekteýlerdi buzǵan kezekti oıynhanany anyqtady, dep habarlaıdy Egemen.kz Shymkent qalasy Polısııa basqarmasyna silteme jasap.
Shymkent qalasy Eńbekshi aýdany Polısııa basqarmasynyń qyzmetkerlerimen 22 tamyzda júrgizilgen jedel-profılaktıkalyq is-shara barysynda Jolan batyr kóshesi boıynda ornalasqan «GAME PLAY» oıynhanasy saǵat 23:43-te karantındik talaptardy saqtamaı kelýshiderdi qabyldap jatqany anyqtaldy.
Atalǵan jaıt boıynsha jınaqtalǵan is-qujattar QR ÁQBtK-niń 425-babymen (Halyqtyń sanıtarııalyq-epıdemıologııalyq salamattylyǵy salasyndaǵy zańnama talaptaryn, sondaı-aq gıgıenalyq normatıvterdi buzý) shara qoldaný úshin Shymkent qalasynyń Sanıtarlyq-epıdemıologııalyq baqylaý departamentine joldandy.