Sońǵy kezde Vengrııa shekaracynan zańsyz ótpek bolǵan mıgranttardyń sany kúrt ósti, dep jazady Egemen.kz.
Euronews jazýynsha, Vengrııa Ishki ister mınıstrligi tek demalys kúnderi polısııa men áskerıler 860-qa jýyq tártip buzýshyny ustaǵanyn málimdegen. Quqyq qorǵaý organy qyzmetkerleri Vengrııa-Serbııa shekarasynda bekingen tosqaýyldardy buzýǵa tyrysqan 20 mıgrantty ustady. Olardyń biri qarsylyq retinde kózden jas aǵyzatyn gaz qoldanǵan.
Sonymen qatar, Tısa ózeniniń boıyndaǵy Gara aýylynyń mańynda eshqandaı qujaty joq 65 sırııalyq pen 14 aýǵandyq top anyqtaldy.
О́tken aptada shekarashylar 2000-nan astam zańsyz mıgrantty ustady, bul jaz aılarynda tirkelgen rekordtyq kórsetkish.
Rýmynııa, Horvatııa, Ýkraına shekarasynda jáne el ishinde adam kontrabandasyna qatysy bar ondaǵan kúdikti quryqtaldy. Baqylaýshylar bosqyndar sanynyń kóbeıýin Aýǵanstandaǵy qıyn jaǵdaımen baılanystyrady.