Bolgarııanyń Densaýlyq saqtaý mınıstri Stoıcho Kasarov tótenshe epıdemıologııalyq jaǵdaı qarasha aıynyń sońyna deıin uzartylǵanyn habarlady, dep jazady Egemen.kz.
«Elimiz koronavırýstyń jańa tolqynynyń aldynda tur. Vırýs juqtyrǵandar men aýrýhanaǵa túsken naýqastardyń sany kóbeıdi. Bul úsh aı aımaqta epıdemıologııalyq sharalardy engizýge jáne shekaradaǵy baqylaýdy retteýge múmkindik beredi», dedi Kasarov buqaralyq aqparat quraldaryna bergen suhbatynda.
Qazirgi ýaqytta Bolgarııada 445 myńnan astam adam COVID-19 ınfeksııasyn juqtyrǵan. Qaıtys bolǵandardyń sany 18,5 myńnan asty.
Balqan respýblıkasyndaǵy vaksınasııa kórsetkishi Eýropa Odaǵy elderi arasynda eń tómen bolyp qala beredi.