Jambyl oblysynyń ákimi Berdibek Saparbaev oq-dári qoımasyndaǵy jarylystardan keıin temirjol relsteriniń jaǵdaıy týraly aıtty, dep jazady Egemen.kz.
«Keshe biz naqty sharalar qabyldadyq, qosymsha 20 avtobýs bóldik. О́ıtkeni eki jaqtaǵy, Almaty men Shymkentte stansııalar bar, poıyzdar júredi. Biz bul avtobýstarmen Shymkent, Qyzylorda, Aqtóbe baǵytyna baratyn jolaýshylardy jiberemiz. Qazir turaqta turǵan jolaýshylar poıyzdary joq. Júk poıyzdary ǵana ýaqytsha aıaldap tur. Qazir Qorǵanys mınıstrliginiń qyzmetkerleri temirjol relsterine zertteý júrgizýde, sodan keıin temirjolshylar sol jerge barady. Zertteý nátıjesinde júk poıyzdarynyń qozǵalysyn qalpyna keltirý týraly sheshim qabyldaımyz», dedi Berdibek Saparbaev.