QR Prezıdenti Qasym-Jomart Toqaev 2025 jylǵa deıin 1000 mektep salý týraly tapsyrma berdi, dep jazady Egemen.kz.
«Orta bilim berý júıesindegi ótkir problemanyń biri – mektepterdegi oryn tapshylyǵy. 225 myń oqýshyǵa oryn jetispeıdi. Shuǵyl shara qabyldamasaq, 2025 jylǵa qaraı oryn tapshylyǵy 1 mıllıonǵa jetedi. Men 2025 jylǵa deıin keminde 800 mektep salý týraly tapsyrma bergen bolatynmyn. Búgin onyń sanyn bir myńǵa jetkizýdi mindetteımin», dedi Memleket basshysy.
Prezıdent mektep qurylysyna memlekettik bıýdjetpen birge, jeke sektordy da tartý týraly aıtty.
Sonymen qatar tolyq bilim beretin aýyl mektepterin oqýshy sanyna qaraı qarjylandyrýǵa birtindep kóshý kerek ekenin atap ótti.