Bokstan Qazaqstan erler ulttyq qurama komandasynyń bas bapkeri Ǵalymbek Kenjebaev otstavkaǵa ketetinin málimdedi, dep jazady Egemen.kz Sports.kz-ke silteme jasap.
«Ulttyq quramanyń bas bapkeri qyzmetinen óz erkimmen kettim. Basshylar otstavkaǵa qol qoı̆dy. Eshkimge ókpe joq. Eki jarym jyl jumylyp eńbek ettik. Komandada tájirıbeli bapkerler de, ysylǵan boksshylar da boldy. Qolymyzdan kelgenin istedik. Eshkimniń jelkesinen súı̆rep, chempıon qylǵam joq, irikteýden eldegi eń myqty degen boksshylar ótti. Olımpıadaǵa nege barmaı̆ qalǵandaryn ol jigitter jaqsy biledi, adam óz kemshiligin moı̆yndap úı̆rengeni durys. Bizdiń qalaýymyz bola bermeı̆tinin olımpıada kórsetti.
Eń bir ókinetin tusym - Sabyrhan Mahmudqa múmkindik bere almaǵanym. Biraq, Sabyrhan sekildi jigitter asyl tas sekildi, sý túbinde kóp jatpaı̆dy, baǵy jansa, halyqaralyq rıngte qazaqqa áli talaı̆ júlde syı̆laı̆dy. Men Mahmudqa shyn kóńilimmen tilektespin.
Elimiz aman bolsyn. Qazaq boksyna sáttilik tileı̆min», dep jazdy Ǵalymbek Kenjebaev.
Aıta keteıik, Ǵalymbek Kenjebaev bas bapker qyzmetine 2018 jyly kirisken bolatyn.