Tamyzdaǵy qurǵaqshylyq bes jyldyq «rekordty» jańartty. Jaýyn-shashynnyń taralýy boıynsha mundaı qurǵaq aýa raıy sońǵy ret 2014, 2016 jyldary bolǵan. Bul týraly «Qazgıdromet» RMK habarlady, dep jazady Egemen.kz.
Bir aı ishinde Qazaqstannyń basym bóliginde qalyptan tys ystyq jáne qurǵaq aýa raıy baıqaldy. Aýanyń ortasha aılyq temperatýrasy tamyzda respýblıkanyń kóp bóliginde, ásirese batys jáne ońtústik aımaqtarda klımattyq normadan 1-6°S joǵary boldy. 2021 jyldyń tamyzy 2008, 2010, 2012, 2014, 2016 jyldardaǵy aýa temperatýrasyn qaıtalady. Jaýyn-shashynnyń taralýy boıynsha mundaı qurǵaq aýa raıy sońǵy ret 2014, 2016 jyldary baıqalǵan.
Eń ystyq kúnderi batys jáne ońtústik aımaqtarda aýa temperatýrasy +38, +46°S deıin jetti. Mysaly, Aqqudyq meteostansııasynda (Mańǵystaý oblysy) 8 tamyzda aýanyń eń joǵary temperatýrasy + 45,7°S tirkelgen. Bul kórsetkish 2011 jyly + 46,5 ° S bolǵan edi.