Shilde aıynyń sońynda amerıkalyq medısınalyq qoǵamnyń JAMA jýrnalynda jarııalanǵan maqala avtorlary pandemııanyń tórt túrli aıaqtalýy múmkin ekenin jazdy, dep habarlaıdy Egemen.kz BBC-ge silteme jasap.
Maqalada tórt yqtımal ssenarıı jazylǵan.
Birinshi ssenarıı - vırýsty tolyqtaı joıý. Dárigerler shamamen jarty ǵasyr buryn sheshek vırýsyn joıǵany sııaqty, Covid-19 vırýsynyń da kózin joıady.
Ekinshisi - vırýs juqtyrý qaýpin azaıtý.
Bul týraly avtorlar «Qysqa merzimdi perspektıvada neǵurlym naqty tapsyrma», dep jazady. Iаǵnı, belgili bir eldegi jappaı vaksınasııa men qatań shekteý sharalaryn saqtap, shekaralardy jabý jáne syrtqy álemnen oqshaýlaý arqyly ınfeksııa juqtyrý sanyn ýaqytsha nólge deıin tómendetý. Qazirgi kezdegi eń áıgili mysal - qyzylsha vırýsy. Balalarǵa jappaı vaksınasııalaýdyń arqasynda aýrý sırek kezdesedi jáne ony baqylaýǵa alýǵa bolady.
Úshinshi ssenarıı - vırýspen birge ómir súrý. Daıyn vaksınalar (dálirek aıtqanda, olardyń bolashaq modıfıkasııalary) tek Covid-19-dyń aýyr aǵymynan jáne ólimnen qorǵaıdy degen boljamǵa negizdelgen. Osylaısha koronavırýs maýsymdyq aýrýǵa aınalady. Keıde vaksına saldyrǵan adamdar da ımmýnıtetiniń tómendeýine, ýaqyt óte kele antıdeneler deńgeıiniń tabıǵı azaıýyna nemese vırýstyń jańa mýtasııasyna baılanysty aýyrýy múmkin. Alaıda, halyqtyń kóp bóligi kez kelgen ýaqytta jetkilikti dárejede qorǵalatyn bolady.
Tórtinshi ssenarıı - asqyný. Álem halqynyń edáýir bóligi vaksına almaǵan jaǵdaıda vırýs tez tarala beredi. Sáıkesinshe mýtasııaǵa ushyrap, jańa shtamdary paıda bolady.