Qazaqstan Respýblıkasynyń Grek Respýblıkasyndaǵy Tótenshe jáne О́kiletti Elshisi Erlan Baýdarbek-Qojataev Grek Respýblıkasynyń Prezıdenti Katerına Sakellaropýlýǵa Senim gramotalaryn tabystady, dep jazady Egemen.kz.
Saltanatty rásimnen keıin ótken ekijaqty kezdesý barysynda otandyq dıplomat suhbattasýshysyn Prezıdent Qasym-Jomart Toqaevtyń Qazaqstan halqyna jyl saıynǵy Joldaýynda usynǵan saıası jáne áleýmettik-ekonomıkalyq reformalarmen tanystyrdy.
Áńgime barysynda taraptardyń Aýǵanstandaǵy jaǵdaıǵa qatysty kózqarastaryna, sondaı-aq BUU-nyń Aýǵanstanǵa járdemdesý mıssııasy (UNAMA) men BUU-nyń basqa mekemeleriniń qyzmetkerlerin Qazaqstanda ýaqytsha ornalastyrý máselesine erekshe nazar aýdaryldy.
K.Sakellaropýlý grek dıasporasy basqa ulttarmen qatar beıbit jáne tatý ómir ortasynda súrip jatqan Qazaqstandaǵy etnosaralyq kelisimdi joǵary baǵalady.