Qazaqstan kelesi jylǵa deıin Azyq-túlik qaýipsizdigi jónindegi Islam uıymyna tóraǵalyq etedi. Bul týraly uıymnyń 4-shi Bas Assambleıasynda Aýyl sharýashylyǵy mınıstri Erbol Qarashókeev málimdedi, dep habarlaıdy Egemen.kz.
«Qazirgi kezeńde Qazaqstan Azyq-túlik qaýipsizdigi jónindegi Islam uıymynyń tóraǵasy bolady, sondyqtan men bizdiń óńir - Ortalyq Azııany nazardan tys qaldyra almaımyn. Ár túrli tarıhı aspektilerge baılanysty, bul aımaq ıslam áleminiń ekonomıkalyq qyzmetine az qatysady. Bul rette aımaqtyń áleýeti orasan zor. Eger biz, mysaly, Qazaqstan Respýblıkasy týraly aıtatyn bolsaq, onda ol aýmaǵy boıynsha eń úlken musylman memleketi, Qazaqstanda 200 mıllıon gektardan astam aýyl sharýashylyǵy jerleri bar, bul álemdik resýrstardyń 4%-n quraıdy, 180 mıllıon gektardan astam jaıylymdyq resýrs bar. Qazaqstan IYU-nyń belsendi jáne jaýapty múshesi, ekologııalyq taza aýyl sharýashylyǵy ónimderin óndirýshiler men eksporttaýshylardyń biri bola otyryp, IYU keńistiginde azyq-túlik qaýipsizdigi máselelerin sheshýge óz úlesin qosýǵa daıyn», dedi Aýyl sharýashylyǵy mınıstrliginiń basshysy.