QR Bas memlekettik sanıtarııalyq dárigeriniń «Karantındik shekteý sharalary jáne olardy kezeń-kezeńmen jeńildetý týraly» 2021 jylǵy 10 qyrkúıektegi №42 qaýlysy jarıalandy, dep jazady Egemen.kz.
«Qazaqstan temir joly» ulttyq kompanııasy» aksıonerlik qoǵamy: jumys poezdaryn qospaǵanda, jolaýshylar poezdarynyń quramynda ortaq vagondardy jasaqtaýdy boldyrmasyn», dep jazylǵan qaýlyda.
Sonymen qatar oblystardyń, Almaty, Nur-Sultan, Shymkent qalalarynyń ákimderi, ortalyq memlekettik organdar, quqyq qorǵaý jáne arnaıy organdar:
- jolaýshylar aǵynyn tómendetý jáne halyqtyń kóp jınalýyn boldyrmaý maqsatynda «qarbalas saǵattarda» qoǵamdyq kólik sanyn ulǵaıtýdy;
- ulttyq qurama, klýb komandalary úshin sporttyq jattyǵýlarǵa ruqsat berýdi (30 adamnan artyq emes, baılanyssyz termometrııa, sporttyq bazalarda turý);
- qoǵamdyq kólikke, taksıge, áýejaılarǵa, balalardyń aýla alańdaryna, azyq-túlik jáne azyq-túlik emes bazarlarǵa jáne basqa da qoǵamdyq oryndarǵa sanıtarııalyq jáne dezınfeksııalyq óńdeý júrgizýdi;
- Qazaqstan Respýblıkasy Ulttyq Bankiniń jáne Qazaqstan Respýblıkasy Qarjy naryǵyn retteý jáne damytý agenttiginiń aktisine sáıkes ýaqyty men sany boıynsha shekteý arqyly qarjy naryǵy sýbektileriniń qyzmetine ruqsat berýdi;
- osy qaýlyǵa 3-qosymshaǵa sáıkes algorıtmdi saqtaı otyryp, keńesterdi (otyrystardy) kózbe-kóz rejımde ótkizýge ruqsat berýdi (olardy qashyqtyqtan ótkizý múmkindigi bolmaǵan kezde);
- óńirlerdegi epıdemıologııalyq jaǵdaıdy eskere otyryp, «Baldáýren» respýblıkalyq oqý-saýyqtyrý ortalyǵy» jáne «Bóbek» ulttyq ǵylymı-praktıkalyq bilim berý jáne saýyqtyrý ortalyǵy» RMQK qyzmetine ruqsat berýdi;
- sportshylar men jattyqtyrýshylar quramy COVID-19-ǵa qarsy vaksınasııalaýdyń tolyq kýrsyn alǵany týraly qujattamalyq rastaý usynǵan jaǵdaıda oblystyq komandalardy daıyndaý úshin oqý-jattyǵý jıyndaryn qaıta bastaýǵa ruqsat berýdi;
- osy qaýlyǵa 4-qosymshaǵa sáıkes ólshemsharttar negizinde áleýmettik-ekonomıkalyq obektilerdiń qyzmetin shekteýdi qamtamasyz etsin. Bul rette shekteý sharalaryn qatańdatý 5 kún boıy epıdemıologııalyq jaǵdaı kúrdelengen jaǵdaıda («jasyl» aımaqtan «sary» aımaqqa nemese «sary» aımaqtan «qyzyl» aımaqqa kóshý), karantındik sharalardy jeńildetý «qyzyl» aımaqtan «sary» aımaqqa nemese «sary» aımaqtan «jasyl» aımaqqa kóshkennen keıin 7 kúnnen keıin júrgiziledi.
Qaýlynyń tolyq mátinimen QR DSM Sanıtarlyq-epıdemıologııalyq baqylaý komıtetiniń resmı saıtynda tanysýǵa bolady.