Shymkentte 22 adamdy egeýquıryq tistep alǵan. Bul byltyrǵymen salystyrǵanda 13 jaǵdaıǵa az, dep jazady Egemen.kz.
«Statıstıka málimetterine súıensek, ótken jyly egeýquıryqtar 35 adamdy tistep alǵan. Bıyl sondaı 22 jaǵdaı tirkeldi. Bul negizinen jeke úılerde kezdesedi. Negizi egeýquıryqtar adam ózi tıispese, ózdiginen shabýyl jasamaıdy», deıdi veterınarııa bóliminiń basshysy Manarbek Erjigitov.
Bıyl egeýquıryqtarmen kúresýge bıýdjetten 5 mln 961 myń teńge jumsalady. Bul somaǵa 33 688 m2 qoqys konteınerleri, ózen men kanal boıyndaǵy 2 mln m2 aýmaq óńdeletin ý satyp alyndy. 20 top kúzgi dezınfeksııaǵa kiristi.
«О́ńdeý shamamen 2 aptaǵa sozylady. Biz bul jumysty jergilikti ákimdikterdiń ótinishi negizinde júrgizemiz. Olar qaı aımaqty óńdeý kerek, qansha qoqys tógetin oryn, ózender men kanaldar boıynda qansha metr jerdi óńdeý keregin jazady. Jańa úıler men shaǵyn aýdandar paıda bolǵan saıyn óńdeý aýmaǵy da ulǵaıady», deıdi Manarbek Erjigitov vera.kz materıalynda.