Qazaqstanda úsh aýysymdy mektepter sany boıynsha Almaty, Mańǵystaý oblystary men Shymkent kóshbasshy bolyp shyqty, dep jazady Egemen.kz.
Elimizdiń 147 bilim berý mekemesinde sabaq shamadan tys júktelgen. Iаǵnı, 250 myńǵa jýyq bala úsh aýysymda bilim alyp jatyr, dep habarlaıdy «31 arna».
Úshinshi aýysymda oqıtyn oqýshylardyń sabaǵy 16:25-te bastalady. Shymkenttegi birinshi qalalyq mektepte 4 myńǵa jýyq oqýshy oqıdy, olardyń 700-den astamy, ıaǵnı joǵary synyp oqýshylary úshinshi aýysymda oqıdy. Shymkentte osyndaı júktemesi kóp 9 mektep bar.
Qalalyq bilim bóliminiń basshysy Janat Tájıevanyń aıtýynsha, osylaısha 40 oqýshy emes, tek 25 oqýshydan turatyn synyp qurýǵa bolady. Oqý jyly bastalǵanǵa deıin úsh aýysymda bilim alatyn 14 mektep bolǵan, biraq 12 myń adamǵa arnalǵan jańa mektepter paıdalanýǵa berilgen. Oǵan osyndaı úsh aýysymda oqıtyn oqýshylar men apatty mektepte bilim alyp jatqandar aýystyrylǵan.
«Úsh aýysymda oqıtyn mektepter úshin birikken oqý baǵdarlamasyn qurdyq. Balalar keshki 10-ǵa deıin oqıtyn mektepter joq. Dene tárbıesi, ózin-ózi taný, eńbek, tarıh jáne basqa da qosymsha sabaqtar onlaın rejıminde oqytylady», dep túsindirdi Tajıeva.
Olar 2025 jylǵa qaraı qaladaǵy úsh aýysymdy mektepter máselesin tolyq sheshýdi josparlap otyr. Osy ýaqyt aralyǵynda 72 bilim mekemesi salynýy kerek.