QR Indýstrııa jáne ınfraqurylymdyq damý mınıstriniń buıryǵymen Ilııas Ospanov QR Indýstrııa jáne ınfraqurylymdyq damý mınıstrliginiń Indýstrııalyq damý komıtetiniń tóraǵasy qyzmetine taǵaıyndaldy, dep habarlaıdy Egemen.kz.
Ilııas Esetuly Ospanov 1986 jyly Nur-Sultan qalasynda dúnıege kelgen. L.N. Gýmılev atyndaǵy Eýrazııa ulttyq ýnıversıtetin jáne London Imperııalyq kolledjin (Ulybrıtanııa) bitirgen.
Eńbek jolyn 2008 jyly «Astana sý arnasy» MQK ınjeneri bolyp bastady. 2012-2014 jyldar aralyǵynda QR Indýstrııa jáne jańa tehnologııalar mınıstrliginiń qurylymynda túrli laýazymdarda jumys istedi.
2014-2016 jj. QR Investısııalar jáne damý mınıstrliginde basshylyq qyzmetterdi atqardy.
2016-2017 jj. – Ońtústik Qazaqstan oblysynyń kásipkerlik, ındýstrıaldy-ınnovasııalyq damý jáne týrızm basqarmasy basshysynyń orynbasary. 2017-2018 jj. — «Evrazııa» korporasııasy» JShS holdıng kompanııasynyń damý jáne ınnovasııalar máseleleri jónindegi vıse-prezıdenti.
2018-2020 jj. – QR jáne Dúnıejúzilik banktiń «О́nimdi ınnovasııalardy yntalandyrý» jobasyn Basqarý toby dırektorynyń orynbasary.
2020 jylǵy aqpan aıynan 2021 jylǵy sáýir aıynyń aralyǵynda - «Injınırıng jáne tehnologııalar transferti ortalyǵy» AQ prezıdenti.
2021 jylǵy sáýirden bastap qazirgi ýaqytqa deıin «QazInnovations» ulttyq ınnovasııalardy damytý agenttigi» AQ Basqarma tóraǵasy qyzmetin atqardy.