Dáýir Erǵabýlov Pavlodar oblysynyń týrızm jáne sportty damytý jónindegi basqarmasynyń basshysy laýazymyna taǵaıyndaldy, dep habarlaıdy Egemen.kz.
Oblys ákimi baspasóz qyzmetiniń málimetine sensek, aımaq basshysy Ábilqaıyr Sqaqov tıisti ókimge qol qoıǵan.
Osy jyldyń sáýir aıynan beri Dáýir Erǵabýlov Pavlodar oblysynyń týrızmdi jáne sportty damytý jónindegi basqarmasy basshysynyń orynbasary laýazymyn atqaryp, vedomstvo basshynyń mindetin oryndaǵan edi.
Dáýir Qýatuly 1990 jyly týǵan. 2012 jyly S.Toraıǵyrov atyndaǵy Pavlodar memlekettik ýnıversıtetin «Zańger», 2015 jyly «Ekonomıka» mamandyqtary boıynsha aıaqtaǵan. 2018 jyly «Narhoz» ýnıversıtetin «Menedjment» mamandyǵy boıynsha aıaqtady. 2012-2014 jyldary Pavlodar aýdany ákiminiń apparatynda eńbek etti. 2016-2017 jyldary Pavlodar oblysy dene shynyqtyrý jáne sport basqarmasy «Astana» muz saraıy mekemesi dırektorynyń orynbasary qyzmetin atqardy. 2019 jyly Júzý boıynsha olımpıadalyq rezervtiń mamandandyrylǵan balalar-jasóspirimder mektebiniń sport ǵımaratynyń basshysy boldy. 2019-2021 jyldary Pavlodar qalasynyń dene shynyqtyrý jáne sport bóliminiń basshysy bolyp jumys istedi.
Dáýir Erǵabýlov - Qazaqstan Respýblıkasynyń mýaıtaı boıynsha halyqaralyq sanattaǵy sport sheberi, 2011 jylǵy mýaıtaı boıynsha álem chempıonatynyń qola júldegeri, mýaıtaıdan Qazaqstan Respýblıkasynyń birneshe dúrkin chempıony.