Memleket basshysynyń bıylǵy Joldaýynda óńirlerdi damytýdyń ulttyq jobasy sheńberinde bes jyl ishinde halyqty 100 paıyz taza aýyz sýmen qamtamasyz etý tapsyrmasy aıasynda Shymkentte júıeli jumystar atqarylýda, dep jazady Egemen.kz.
Atap aıtqanda osy jyly 14 nysannyń qurylys jumystary júrgizildi. Onyń úsheýi jalpy uzyndyǵy 30 shaqyrymdy quraıtyn magıstraldy sý qubyry jáne 11 eldimekende ishki oram júıeleri.
Nátıjesinde 10 eldimeken sapaly aýyz sýmen qamtyldy. Turǵyndarǵa sý berý jumysy (abonentteý) kezeń-kezeńimen atqarylýda.
Jalpy qalada 81 eldimekenniń 69-y sapaly aýyz sýmen qamtamasyz etilgen.Tasymaldap ishetin 7 eldimekenniń barlyǵynda aýyz sý máselesi sheshildi. Olar: Turan, Asar-2, Soltústik saıajaı, Yntymaq-2, Batys, Jańaturlan jáne Aqtas-2 eldimekenderi.
Oǵan qosa, keste boıynsha tutynyp kelgen Jańatalap jáne Sáýle (276 oram) turǵyndary da memlekettik sapaly aýyz sýǵa qol jetkizdi. Qalanyń jańaqurylys aýmaǵynda ornalasqan Nurtas eldimekenindegi aýyz sý júıesi qurylys jumystary aıaqtalyp, el ıgiligine paıdalanýǵa berildi.
Jyl sońyna deıin úshinshi megapolıstiń sapaly aýyz sýmen qamtylý kórsetkishi 95,6%-dan - 98%-ǵa jetpek.
Qurylysy aǵymdaǵy jyly bastalǵan Qursaı eldimekeni keler jyly sapaly aýyz sýmen qamtylady.
Saıram, Qaınarbulaq eldimekenderinde aýyz sýmen qamtý boıynsha qurylys jumystary 2022 jyly júrgiziledi.
2023 jylǵa deıin qala turǵyndaryn 100% sapaly aýyz sýmen qamtý josparlanǵan.