«BJZQ» AQ Basqarma tóraǵasy Janat Qurmanov zeınetaqy jınaqtaryn paıdalaný merzimi nelikten 45-ten 20 kúnge deıin qysqarǵanyn aıtty, dep habarlaıdy Egemen.kz.
Májilistiń jalpy otyrysynan keıin tilshiler saýalyna jaýap bergen Janat Qurmanov atalǵan merzimdi bekitý «Otbasy banki» men basqa da ekinshi deńgeıli bankter aınalysatynyn jetkizdi.
«BJZQ qyzmetine júginý men ózińniń zeınetaqy jınaqtaryńdy ókiletti operatorlardyń arnaıy shotyna aýdarar aldynda qandaı baspanany satyp alatynyn anyqtap qarap, tıisti qujattardy daıarlaý kerek.
Bul qarajat ınvestısııalyq aınalymnan shyǵarylady jáne adamǵa ınvestısııalyq kiris ákelmeıdi. Shyn máninde aınalymdaǵy jınaq turalap qalady. Sondyqtan arnaıy shotta jaı jatpas úshin atalǵan kezeńdi qysqartqan tıimdi bolar edi», dedi J. Qurmanov.
Osy oraıda ol halyqty qujattardy aldyn ala daıarlap alyp, ózine kerek baspanany aıqyndap alýǵa shaqyrdy.
Basqarma tóraǵasynyń sózine qaraǵanda, adamdar tıisti daıyndyq jumystaryn júrgizse, Úkimet esepteýi boıynsha 20 kún jetkilikti.