Túrkistan oblysynda alaıaqtyq jasaǵan áıelge qatysty sot úkimi shyqty. Ol 4 jylǵa bas bostandyǵynan aıyryldy, dep habarlaıdy Egemen.kz.
Kentaý qalalyq Polısııa departamentine jergilikti turǵynnan aryz túsken. Onyń aıtýynsha, tanysy Kentaý qalasynan páter alyp berem dep 2 mıllıon teńge aqsha alǵan. Biraq ol aıtqan ýádesin oryndamaǵan, alǵan aqshasyn da qaıtarmaǵan.
Polısııa qyzmetkerleri bul jaıtty QK-niń 190-baby (Alaıaqtyq) boıynsha tirkeýge aldy. Kentaý qalalyq Polısııa departamentiniń qyzmetkerleri jedel izdestirý jumystaryn júrgizip, kúdiktini ustady.
Vedomstvo málimetinshe, ustalǵan azamattyń budan basqa segiz oqıǵaǵa qatysy bar ekeni anyqtalǵan. Is qujattary zańdy sheshim qabyldaý úshin Kentaý qalalyq sotyna joldanǵan. Nátıjesinde oǵan qatysty sot úkimi shyqty.
«QR QK-niń 190-babynda kózdelgen zań talaptaryn óreskel buzǵan kúdiktige qatysty Kentaý qalalyq soty tórt jylǵa bas bostandyǵynan shekteý jazasyn taǵaıyndady», dep málimdedi vedomstvo ókili.