IýNISEF rastaǵan málimetterge sáıkes, keshe túnde Sırııanyń soltústik-batysynda bastalǵan zorlyq-zombylyq saldarynan alty bala qaza taýyp, taǵy bireýi jaraqat aldy, dep habarlaıdy Egemen.kz BUU jańalyqtar saıtyna silteme jasap.
IýNISEF-tiń Taıaý Shyǵys jáne Soltústik Afrıka boıynsha aımaqtyq dırektory mindetin atqarýshy Bertrand Benveldiń aıtýynsha, ótken túnde Sırııanyń soltústik-batysynda, atap aıtqanda shekaralas Atmeh qalasynda keń aýqymdy qarýly qaqtyǵys boldy.
BUU málimetinshe, halyq tyǵyz ornalasqan aımaqtarǵa zaqym kelgen.
«Jyl basynan beri kómekke zárý 1,2 mıllıon bala turatyn soltústik-batys Idlıb provınsııasy men onyń mańyndaǵy aýdandarda zorlyq-zombylyq aıtarlyqtaı órship ketti», dedi IýNISEF ókili.
Sırııanyń osy bóligindegi kóptegen otbasylar zorlyq-zombylyqtan qutylý úshin atalǵan aýdanǵa qonys aýdarǵan kórinedi.