Keshe Kıev telemuranasy mańynda jarylys boldy. Al Qazaqstan Elshiligi soqqy jasalǵan jerden 800 metr ǵana qashyqta ornalasqan. Osy oqıǵaǵa baılanysty Qazaqstannyń Ýkraınadaǵy elshisi Darhan Qaletaev otandyq BAQ-qa málimet berdi, dep habarlaıdy Egemen.kz.
«Munyń ústine Lýkıanovka aýdanynda, janymyzda túni boıy avtomat daýysy estilip turdy. Búkil azamattarymyz janymyzda, jertólede boldy. Qazaqstandyqtardyń arasynda zardap shekkender joq. Menińshe, elshilikke eshkim tıispeıdi. Eń bastysy – qańǵyǵan snarıad tıip ketpese boldy», dedi Darhan Qaletaev.
Sonymen qatar ol qazirgi ýaqytta Qazaqstan elshiligin evakýasııalaý máselesi qarastyrylyp jatpaǵanyn aıtty.
«Eger qazir biz ketip qalsaq, otanyna oralyp úlgermegen qazaqstandyqtar ne isteıdi? Iá, qazir de máselen avtobýstardy jóneltýge 1 saǵat ýaqyt qalǵanda adamdar qońyraý shalyp, ne isteý kerektigin surap jatady. О́ıtkeni, adamdar ártúrli óńirde júr. Kópshiligi, tipti bizge, Kıevke de jete almaı otyr. Biz ketip qalsaq, olardyń kúni ne bolmaq?», dedi Qazaqstan elshisi.