Qazaqstannyń Úndistandaǵy jáne Bangladesh Halyq Respýblıkasyndaǵy elshisi qyzmetin qosa atqarýshy Nurlan Jalǵasbaev Bangladesh Prezıdenti Abdýl Hamıdke senim gramotalaryn tapsyrdy, dep habarlaıdy Egemen.kz SIM baspasóz qyzmetine silteme jasap.
«Bangabhaban» prezıdenttik saraıynda ótken suhbat barysynda N.Jalǵasbaev Bangladesh basshysy men halqyna Prezıdent Qasym-Jomart Toqaevtyń izgi tilekterin jetkizdi.
Sonymen qatar elshi BHR Prezıdentin Memleket basshysynyń Joldaýynyń negizgi qaǵıdalarymen tanystyryp ótti.
Taraptar AО́SShK jáne IYU sheńberindegi ózara yqpaldastyqty qosa alǵanda, ekijaqty jáne kópjaqty formattaǵy yntymaqtastyqtyń ahýaly men perspektıvalary týraly pikir almasty. A.Hamıd Qazaqstan syrtqy saıasatynyń basymdyqtary jáne elimizde júrgizilip jatqan ishki saıası jáne ekonomıkalyq ózgeristermen habardar boldy.