Elordanyń polısııa qyzmetkeri iri kólemde esirtki saqtaǵan kúdiktini qolǵa túsirdi. Bul týraly Nur-Sultan qalalyq polısııa departamenti málim etti, dep habarlaıdy Egemen.kz.
«Elordanyń polısııa qyzmetkerleri kelip túsken aqparatqa oraı jedel izdestirý is-sharasyn ótkizip, Potanın kóshesi boıynda esirtki saqtaǵan kúdiktini ustady. Buǵan deıin de sotty bolǵan elordanyń 37 jastaǵy turǵynyn tintý barsynda salmaǵy 1 keliden asatyn gashısh tárkilendi. Esirtki zaty satýǵa daıyn kúıde býyp-túıilgen. Sonymen qatar ustalǵan kúdiktiden qoldan jasalǵan pyshaq alyndy», dep atap ótti departament ókilderi.
Vedomstvo málimetinshe, atalǵan fakti boıynsha QR QK 296-baby 4-bóligimen sotqa deıingi tergeý amaldary bastaldy. Esirtkini jetkizý arnasyn anyqtaý is-sharalary júrgizilip jatyr.
Aıta keteıik, jyl basynan elorda aýmaǵynda zańsyz aınalymnan 53 keli túrli esirtki zaty alyndy. Onyń ishinde 20 keli «gashısh» jáne 30 keli sıntetıkalyq esirtki bar.