Ulttyq ǵarysh agenttigi 28 sáýir kúni «Baıqońyr» ǵarysh aılaǵynan «Respýblıkalyq ǵaryshtyq baılanys ortalyǵy» AQ tapsyrysy boıynsha jasalǵan «KazSat-3» úshinshi baılanys jáne habar taratý ulttyq geostasıonarlyq spýtnıgin ushyrý josparlanyp otyrǵanyn habarlady.
Qazǵarysh otandyq úshinshi baılanys spýtnıgin ushyrý baılanystyń qazaqstandyq júıesin qurýdyń kelesi kezeńi ekenin málimdedi. «KazSat-3» spýtnıgi televızııalyq habar taratý, tııanaqtalǵan baılanys, ınternet jáne derekterdi berý qazaqstandyq naryǵynyń qajettilikterin qanaǵattandyrýǵa arnalǵan», dep habarlady Qazǵaryshtyń baspasóz qyzmeti.
«KazSat-3» spýtnıgin qurý jáne ushyrý jobasy boıynsha jumystarǵa kelsek, ol «Akademık M.F.Reshetnıov atyndaǵy aqparattyq spýtnıktik júıeler» jetekshi reseılik ǵarysh kompanııasymen jasalǵan sharty aıasynda júrgizilýde. «KazSat-3» qazaqstandyq spýtnıgi 24 naýryzda «Baıqońyr» ǵarysh aılaǵyna jetkizilip, qazir 92A-50 montajdaý-synaý korpýsynda daıyndyqtan ótýde.
«Egemen-aqparat».