Ádilet mınıstrligi osy jazdan bastap elimizdiń 112 myń azamatyna shetelge demalysqa shyǵýǵa tyıym salynatynyn habarlady.
Mınıstrliktiń habarlaýynsha, endi alıment, salyq, aıyppul sekildi qaryzyn ótemegender Qazaqstan aýmaǵynan shyǵa almaıdy. Bul memleketke bereshek azamattardyń der kezinde qaryzdaryn óteý úshin jasalyp otyr. Endi vızanyń mórin bastyrar kezde kez kelgen azamat arnaıy elektrondy baza arqyly qaryzynyń bar-joǵyn teksertip alady. Bereshegi bolsa, shetelge demalýǵa bara almaıdy.
Osyǵan baılanysty sot oryndaýshylary qaryzy bar adamdarǵa úsh aı merzimde qaryzdaryn ótep tastaýǵa keńes beretinin aıtýda. Qaryzy bar azamattardyń tizimi Ádilet mınıstrliginiń resmı saıtynda jarııalanyp otyr.
«Egemen-aqparat».