● Bıylǵy epıdemıologııalyq kezeńge, onyń ishinde kenelerge qarsy kúreske respýblıkalyq bıýdjetten 614 mln.teńge bólindi. Resmı derekke júginsek, elde Hyalomma atty kene túri keń taraǵan eken. Ol qaýipti aýrýlardy tasýshy bolyp sanalady. Negizinen bul kene Jambyl, Qyzylorda jáne Ońtústik Qazaqstan oblysynda kezdesedi.
● Elordadan Qaraǵandy oblysynyń Kókpekti aýyly turǵyndaryna quny 10 mln. teńgeden asatyn gýmanıtarlyq júk jóneltildi. Astana qalasy ákimdiginiń deregine júginsek, azyq-túlik pen materıaldyq taýarlardyń jalpy salmaǵy 20 tonnany quraıdy.
● Almaty qalasynda Qazaqstan men Reseı eliniń birlesken «Gem» medısınalyq zerthanasy ashyldy. Jańa zerthanada bıohımııa, gormondar, mıkrobıologııa, sıtologııa, onkomarkerler syndy 1000-nan asa baǵytqa dıagnostıka jasaý qyzmetteri kórsetiledi. Mamandardyń aıtýy boıynsha, bul ortalyq syrqattyń aldyn alýǵa múmkindik beredi.
● Shyǵys Qazaqstan oblysynda «Meıirim» atty qaırymdylyq aksııasy negizinde ata-ana qamqorlyǵynsyz qalǵan 151 jasóspirimge ótken jyly páter kilti tabys etildi. Al keler jyldyń sońyna deıin osyndaı sanattaǵy 260-tan asa balalardy baspanamen qamtý josparlanǵan. Atalmysh qaıyrymdylyq aksııasy 3 jyldan beri jalǵasyn taýyp keledi.
● Petropavl qalasynda «Salamatty Qazaqstan» taqyrybynda kórme-jármeńke ótti. Onda múmkindigi shekteýli balalardyń qolóner týyndylary qoıyldy. Kórmege kelýshiler balǵyndardyń qolynan shyqqan dúnıelerdi satyp aldy.
● Batys Qazaqstan oblysynda 1 mamyrdan bastap Uly Otan soǵysy ardagerleri kommýnaldyq tólemderden bosatylady. Qazirgi kezde jergilikti jerde 232 soǵys ardageri esepte tur. Bul tusta soǵys jyldarynda tutqynda bolǵandar men qorshaýda qalǵandardy qosa eseptegende, barlyǵy 259 adam joǵaryda atalǵan múmkindikti paıdalanady.
● Atyraý oblysynda keler jyly qýattylyǵy 2 myń tonnaǵa jetetin qus fabrıkasy iske qosylady. Al qazirge kezde Jylyoı aýdanynda bir qus fabrıkasy jumys istep tur. Osy arqyly jergilikti óńirde taýyq eti men jumyrtqa kólemin ulǵaıtý kózdelip otyr.
BNews.kz, Nur.kz, Egemen.kz habarlary boıynsha daıyndaldy.