Májilis Tóraǵasy Qabıbolla Jaqypovtyń basqarýymen palata bıýrosy ótti. Onda aldaǵy ótetin depýtattardyń jalpy otyrysynda qaralatyn máseleler naqtylandy, dep habarlady Májilistiń baspasóz qyzmeti.
Depýtattardyń talqylaýyna Qylmystyq kodeks jobasy ilespe túzetýlerimen ekinshi oqylymǵa shyǵarylatyn boldy. Palatanyń salalyq komıtetiniń málimdeýinshe, Kodekstiń jańa redaksııasy Qazaqstan Prezıdentiniń tapsyrmasymen 2012 jylǵy 6 qańtarda 2010-2020 jyldarǵa arnalǵan Quqyqtyq saıasat tujyrymdamasynyń erejelerin, jáne de memleketterdiń halyqaralyq mindettemelerin iske asyrý qajettiligin eskere otyryp jasalǵan.
Bul aktiniń iske asyrylatyn tujyrymdamalyq baǵyttary, bir jaǵynan, birinshi ret jasalǵan nemese áleýmettik álsiz tulǵalar jasaǵan qylmystarǵa qatysty taǵattylyq tásilderin keńeıtedi, ekinshi jaǵynan, aýyr qylmystarǵa, qylmystyń qaıtalanýyna, uıymdasqan qylmyskerlikke jáne sot tóreligine kedergi jasaýǵa den qoıýdy qatańdatady.
Bıýro músheleri, solarmen birge, Áleýmettik-mádenı damý komıtetiniń Soltústik Qazaqstan oblysynda kóshpeli otyrysyn ótkizý týraly (2014 jylǵy 14-15 sáýir) usynystaryn da qoldady.
Sondaı-aq, otyrysta aldaǵy mamyr aıynda bolatyn «Ekonomıka salalary úshin tehnıkalyq jáne kásiptik, joǵary bilim berý júıesinde kadrlar daıarlaýdyń sapasy men perspektıvalary týraly» parlamenttik tyńdaýdyń uıymdastyrylý máseleleri de qarastyryldy.
Májilis Tóraǵasy Q.Jaqypov salalyq komıtetterge jalpy otyrysqa shyǵarylatyn zań jobasyna ázirlikti jan-jaqty júrgizýdi tapsyrdy.