Parlament Májilisi Tóraǵasynyń orynbasary Sergeı Dıachenko Portýgalııa Respýblıkasynyń Qazaqstandaǵy Tótenshe jáne ókiletti elshisi Marıo Godıno de Matýshpen kezdesti, dep habarlady Májilistiń baspasóz qyzmeti.
Májilistiń vıse-spıkeri elshini elshilik qyzmetke jańadan taǵaıyndalýymen quttyqtady. О́z kezeginde eki el arasyndaǵy saýda-ekonomıkalyq baılanystarǵa toqtaldy. Taýar aınalymy, Qazaqstanǵa ınvestısııa salý máselesi týraly aıtty. Búginde ekonomıkalyq órleýde turǵan elimizdiń EKSPO-2017 kórmesin ótkizýge ázirlenip jatqanynan habardar etti.
Elshige Qazaqstan Parlamentiniń qurylymy jaıynda aıtyp, ártúrli pishindi jumysymen tanystyrdy. Halyqaralyq parlamenttik yntymaqtastyq jaıynda da aıtyp ótti.
Portýgalııanyń Qazaqstandaǵy elshisi óz eliniń Parlamenti jaıynda aıtyp, eki el parlamentteriniń yntymaqtastyq baılanystary arta túsetinine senim bildirdi. 1998 jyly Lıssabonda EKSPO kórmesi ótkenin jetkizdi.
Taraptar ekijaqty baılanystar arqasynda parlamentaralyq yntymaqtastyqtyń da órken jaıatynyna senim bildirdi.