«Nur Otan» partııasynyń qoǵamdyq qabyldaýynda azamattarmen kezdesý barysynda Densaýlyq saqtaý mınıstri Salıdat Qaıyrbekova problemalyq máselelerdi sheship berdi.
Mysaly, Pavlodar oblysynyń turǵyny, oń jaq jambas býyny týǵanynan syrqat 3-toptaǵy múgedek G.Kenjahmet endi Astana qalasyndaǵy Travmatologııa jáne ortopedııa ǵylymı-zertteý ınstıtýtyna jatqyzylatyn bolady. Sonymen qatar, azamatsha K.Qulmaeva da Astana qalasyndaǵy Respýblıkalyq neırohırýrgııa ǵylymı ortalyǵyna jatqyzylady.
Astana qalasynyń turǵyny K.Ámirov pen Qosshy aýylynda turatyn D.Ábishev múgedektikti resimdeý úshin kómektesýdi surady. Azamattardyń máseleleri boıynsha S.Qaıyrbekova Eńbek jáne halyqty áleýmettik qorǵaý mınıstrliginiń birinshi basshysymen múgedektikti resimdeý jáne jumysqa ornalasý jaıyn sheshý jóninde áńgimelesti. D.Ábishevke Astana qalasyndaǵy Travmatologııa jáne ortopedııa ǵylymı-zertteý ınstıtýtyna jatqyzylýyna kómektesilgen.
Vıllebrand aýrýymen naýqastanatyn 2-toptaǵy múgedek B.Nurǵuzovanyń máselesi boıynsha Germanııadaǵy professormen onlaın rejimde konsýltasııa ótkizildi.
Qaterli isiktiń 3-deńgeıine shaldyqqan ákesiniń emdelýine qatysty saýal qoıǵan azamatsha A.Moldageldıevanyń máselesi de sol jerde sheshimin tapty. Ol Astanadaǵy onkologııalyq dıspanserde em alatyn bolady.
Qabyldaýǵa aldyn ala jazylǵan azamattardan basqa, mınıstr qabyldaý ýaqytynda kelgen azamattarmen de kezdesti.
Al dáriger M.Dosybaevty qaladaǵy medısına uıymdarynyń birine epıdemıolog retinde jumysqa ornalastyrý úshin Astana qalasy densaýlyq saqtaý basqarmasyna tapsyrma berildi, dep habarlady Densaýlyq saqtaý mınıstrliginiń baspasóz qyzmeti.