AQSh-tyń burynǵy prezıdenti, kishi Djordj Býsh kópshilikke birinshi ret óziniń álem elderi lıderlerin salǵan sýretterin kórsetti. Bul týraly ITAR-TASS habarlady.
Djordj Býsh bul kásippen kópten beri aınalysyp kele jatqanǵa uqsaıdy. Ol óziniń galereıasyna sońǵy kezderi Reseı prezıdenti Vladımır Pýtın men Ulybrıtanııanyń eks-premeri Tonı Blerdi qosypty. Osy portretteriniń birazyn NBC telearnasynan kórsete otyryp, ol tilshige suhbat bergen.
Kishi Býsh óziniń sózinde Vladımır Pýtın jóninde de baǵa bere ketipti. «Men prezıdent bolyp turǵan kezimde Pýtınmen talaı ret kezdestim, men ony óte jaqsy bilemin», - dedi ol.
«Bizdiń ózara qarym-qatynasymyz qashannan jaqsy boldy. Arasynda kıkiljińge kelip qalǵan kezderimiz de kezdesti», - dep atap ótti Býsh.
Portrette Reseı prezıdenti anfastan alynǵan, juqa pastelmen salynǵan, boıaýlary qalyń.
О́ziniń hobbıi týraly aıtqanda, Býsh: «Men ózimniń keıingi ómirimniń mándi bolǵanyn qaladym. Sýret salý maǵan sana-sezimimdi keńeıtýge kómektesedi», - dedi. «Men uly sýretshilerdiń sanatyna jatpaımyn, - dedi ol taǵy. – Jurttyń da ózimdi olaı qabyldamaǵanyn qalaımyn».
Aq úıdiń burynǵy qojaıynynyń osy jáne basqa da polotnolar Tehas shtatynyń Dallas qalasyndaǵy kishi Býsh atyndaǵy prezıdent ortalyǵyna qoıylǵan. Bul kórme búgin, senbi kúni ashylady. Onyń ekspozısııasyna GFR kansleri Angela Merkel, Aýǵanstan prezıdenti Hamıd Karzaı, Italııanyń eks-premeri Sılvıo Berlýskonı jáne basqalar bar.
Kishi Djordj Býsh keskindeme ónerimen 2009 jyly prezıdenttikten ketkennen keıin shuǵyldana bastapty.
Murat Aıtqoja.
Derekkóz: ITAR-TASS.
Foto: ITAR-TASS.