2013 jylǵy 22 qarasha Astana qalasy
Qazaqstan Respýblıkasy Din isteri agenttiginiń memlekettik qyzmetshileriniń qyzmettik etıkasynyń qaǵıdalaryn bekitý týraly
«Qazaqstan Respýblıkasy memlekettik qyzmetshileriniń Ar-namys kodeksi týraly» Qazaqstan Respýblıkasy Prezıdentiniń 2005 jylǵy 3 mamyrdaǵy №1567 Jarlyǵyna ózgerister engizý týraly» Qazaqstan Respýblıkasy Prezıdentiniń 2013 jylǵy 1 qazandaǵy Jarlyǵynyń 2-tarmaǵyna sáıkes buıyramyn:
1. Qosa berilip otyrǵan Qazaqstan Respýblıkasy Din isteri agenttigi memlekettik qyzmetshileriniń qyzmettik etıkasynyń qaǵıdalary bekitilsin.
2. Kadrlyq qamtamasyz etý basqarmasy (J.A. Nýkýsheva) Quqyqtyq qamtamasyz etý basqarmasymen (A.T. Jýanyshpaeva) birge osy buıryqty Qazaqstan Respýblıkasy Ádilet mınıstrliginde memlekettik tirkeýdi qamtamasyz etsin.
3. Osy buıryqtyń oryndalýyn baqylaý Qazaqstan Respýblıkasy Din isteri agenttiginiń jaýapty hatshysy T.T. Ysmaıylovqa júktelsin.
4. Osy buıryq memlekettik tirkelgen kúninen bastap on kún ótkennen keıin qoldanysqa engiziledi.
Tóraǵa M.ÁZILHANOV.
Qazaqstan Respýblıkasy Din isteri agenttigi Tóraǵasynyń 2013 jylǵy 22 qarashadaǵy №43 buıryǵymen bekitilgen
Qazaqstan Respýblıkasy Din isteri agenttiginiń memlekettik qyzmetshiler qyzmet etıkasynyń qaǵıdalary
1. Qazaqstan Respýblıkasy Din isteri agenttiginiń memlekettik qyzmetshiler qyzmet etıkasynyń qaǵıdalary (budan ári – Qaǵıda) «Memlekettik qyzmet týraly» Qazaqstan Respýblıkasynyń Zańyna, «Sybaılas jemqorlyqqa qarsy kúres týraly» Qazaqstan Respýblıkasynyń Zańyna, «Qazaqstan Respýblıkasy memlekettik qyzmetshileriniń Ar-namys kodeksi týraly» Qazaqstan Respýblıkasy Prezıdentiniń 2005 jylǵy 3 mamyrdaǵy № 1567 Jarlyǵyna ózgerister engizý týraly Qazaqstan Respýblıkasy Prezıdentiniń 2013 jylǵy 1 qazandaǵy № 651 Jarlyǵynyń (budan ári – Ar-namys kodeksi) 2 tarmaǵyna sáıkes ázirlendi
2. Qaǵıda Qazaqstan Respýblıkasy Din isteri agenttiginiń (budan ári – Agenttik) memlekettik minez-qulqynyń negizgi normalaryn belgileıdi.
3. Agenttiktiń memlekettik qyzmetshileri qyzmettik mindetterin atqarý kezinde:
1) zańdylyq qaǵıdatyn, Qazaqstan Respýblıkasy Konstıtýsııasynyń, memlekettik qyzmet salasynda zańdary men ózge de normatıvtik quqyqtyq aktileriniń talaptaryn basshylyqqa alýǵa;
2) azamattar, laýazymdy tulǵalar jáne dinı birlestikter ókilderiniń ótinishterine sypaıylyq pen ádeptilik tanytýǵa;
3) Qazaqstan halqynyń ádet-ǵuryptary men salt-dástúrlerine tózimdilik pen qurmet tanytýǵa, memlekettik tilge jáne basqa tilderge, Qazaqstan halqynyń salt-dástúrlerine qurmetpen qaraýǵa;
4) eldegi ultaralyq kelisimdi nyǵaıtýǵa yqpal etýge, ártúrli etnıkalyq, áleýmettik toptar men konfessııalardyń mádenı jáne basqa erekshelikterin eskerýge, ultaralyq jáne konfessııaaralyq kelisimge yqpal etýge;
5) jeke jáne zańdy tulǵalardyń quqyqtaryn, bostandyqtary men zańdy múddelerin shektemeýge, olardyń ótinishterin qaraý kezinde tóreshildik pen sózbuıdaǵa salý kórinisterine jol bermeýge, ótinishter boıynsha belgilengen merzimde qajetti sharalar qoldanýǵa;
6) qaramaǵyndaǵy qyzmetkerlerdiń qyzmettik ókilettiginiń mindetteri men kólemin naqty anyqtaýǵa, oryndaý múmkin emes tapsyrmalardy bermeýge, qaramaǵyndaǵy qyzmetkerlerden qyzmettik mindetterinen tys tapsyrmalar oryndaýdy talap etpeýge; basqa adamdardy quqyqqa qaıshy teris qylyqtar jasaýǵa májbúrlemeýge;
7) baǵynysty qyzmetkerlerge qatysty negizsiz aıyptaýlarǵa, dórekilik, adamdyq qadir-qasıetin kemsitý, jónsizdik, orynsyz minez-qulyq faktilerine jol bermeýge, Agenttiktiń bedeli men abyroıyna nuqsan keltiretin janjaldy jaǵdaılardan aýlaq júrýge;
8) memlekettik jáne eńbek tártibin buljytpaı saqtaýǵa, óziniń qyzmettik mindetterin adal, ádil jáne sapaly atqarýǵa; jumys ýaqytyn utymdy paıdalanýǵa;
9) qupııa qyzmettik aqparatty jarııalaýǵa, sonymen qatar onyń qyzmettik mindetterimen baılanyssyz aqparatty bermeýi nemese almastyrmaýy tıis;
10) Agenttiktiń senip tapsyrylǵan memlekettik menshigine uqypty qaraýǵa, ony utymdy jáne tıimdi paıdalanýǵa;
11) adal, ádil, qarapaıym bolýǵa, jalpy qabyldanǵan moraldyq-etıkalyq talaptardy saqtaýǵa, qyzmettik jáne qyzmetten tys ýaqytta qoǵam múddesine jat minez-qulyq jaǵdaılaryn boldyrmaýǵa;
12) Ar-namys kodeksimen, sybaılas jemqorlyqqa qarsy zańnaman belgilengen jemqorlyqqa qarsy minez-qulyqty saqtaýǵa;
13) qyzmettik satyly dárejeni saqtaýǵa, qyzmettik, resmı talaptar sheginen shyqpaýǵa, tómengi turǵan laýazymdy tulǵanyń joǵary turǵanǵa baǵyný qaǵıdatyn qatań saqtaýǵa, qyzmettik ókilettigi sheginde berilgen basshynyń tapsyrmalaryn buljytpaı oryndaýy tıis.
4. Agenttiktiń memlekettik qyzmetshileri qyzmettik mindetterin atqarý kezinde memlekettiń zaıyrly negizin nyǵaıtýǵa yqpal etýi kerek:
1) kópshilik aldynda sóıleýde, resmı qujattar, saraptamalyq qorytyndylar jáne basqa qujattar daıyndaýda memlekettik prınsıpterdi, ǵylymı negizdelgen derekter men jalpy adamdyq qundylyqtardy basshylyqqa alýy kerek;
2) memlekettik qyzmetshiler qyzmettik jaǵdaılaryn jáne onymen baılanysty múmkindikterdi qoǵamdyq jáne dinı birlestikterdiń, basqa da kommersııalyq emes uıymdardyń múddelerine, onyń ishinde óziniń olarǵa kózqarasyn nasıhattaý úshin paıdalanbaýǵa;
5. Agenttiktiń qyzmetkerleri qyzmettik minez-qulyqtarynda:
1) jynystyq, jastyq, násildik, ulttyq, tildik, azamattyq, áleýmettik, múliktik jáne otbasylyq jaǵdaıyna, saıası jáne dinı artyqshylyǵy boıynsha ártúrli kemsitýshilik sıpattaǵy sózderden jáne qylyqtardan tartynýy;
2) sypaıylyq, ádeptilik, ózara syılastyq tanytý, dórekilikten, kemsitýshilik tanytýdan, mensinbeýshilikten, teris eskertýlerden, zańsyz, jazyqsyz kiná taǵýdan tartynýy;
3) qaýip-qaterlerden, qorlaıtyn sózder men replıkalardan, qarama-qarsy jaqtyń minez-qulyǵyn shaǵystyratyn jáne durys tildesýge kedergi keltiretin áreketterden tartynýy;
4) ujymda jaǵymdy moraldyq-psıhologııalyq jaǵdaı qalyptastyrýǵa yqpal etýi, qastyqty, sybysty, ósekti boldyrmaýy, kesýi kerek.
6. Agenttik qyzmetiniń máseleleri boıynsha kópshilik aldynda sóıleýdi onyń basshysy nemese Agenttiktiń buǵan ýákilettik berilgen laýazymdy tulǵalary júzege asyrady.
7. Agenttiktiń memlekettik qyzmetshileriniń syrt kelbeti azamattardyń Agenttikke degen syılastyq qatynastaryn qalyptastyrýǵa, iskerlik, ustamdylyq, uqyptylyqpen erekshelenetin jalpy qabyldanǵan iskerlik talaptaryna saı bolýy tıis.
Buıryq Qazaqstan Respýblıkasynyń Ádilet mınıstrliginde 2013 jylǵy 25 jeltoqsanda Normatıvtik quqyqtyq kesimderdi memlekettik tirkeýdiń tizilimine №9020 bolyp engizildi.