Almaty áýejaıynda Ýkraına azamaty bosqyn mártebesin berýdi surady. Polısııa qyzmetkerleri oǵan memlekettik shekaradan ótýge kómektesti, dep habarlaıdy Egemen.kz Kóliktegi polısııa departamentiniń baspasóz qyzmetine silteme jasap.
Kóliktegi polısııa departamentiniń Kóshi-qon qyzmetiniń qyzmetkerleri Almaty qalalyq IID-men birlesip, áıelge Almaty áýejaıy arqyly Qazaqstannyń memlekettik shekarasyn ótýge kómektesti.
«Ýkraına azamatshasy kómek suraǵan kezde Almaty áýejaıynyń polısııa bólimi qyzmetkerleri shekaradan ótý kezinde týyndaǵan máseleni sheshýge, tipti fotograf qyzmetin usynýǵa deıin kómektesti. Joǵaryda atalǵan azamatsha «Bosqyndar týraly» Qazaqstan Respýblıkasynyń Zańyna sáıkes Almaty qalasynyń jergilikti atqarýshy organyna oǵan bosqyn mártebesin berý týraly ótinish bildirdi», dep habarlady departament ókilderi.