Soltústik Koreıanyń synaqtan ótkizgen 3 ballıstıkalyq zymyran kúnshyǵys elininiń keńistiginen ótken, dep habarlady Egemen.kz 24.kz saıtyna silteme jasap.
«Zymyran 550 shaqyrym bıiktikke kóterilip, 300-deı shaqyrym ótip, shyǵys jaǵaǵa qulady. Biz QHDR-diń ıadrolyq jáne zymyran synaqtaryna beı-jaı qaraı almaımyz. Bul bizdiń elimizge jáne álemdegi beıbitshilikke qaýip tóndiredi», deıdi Japonııanyń qorǵanys mınıstri Nobýo Kısı.
Bul synaq AQSh prezıdenti Djo Baıdenniń Azııaǵa sapary aıaqtalysymen jasalǵan. Ońtústik Koreıa prezıdenti Iýn Sok Iolmen ótken kezdesýde Phenıannan tóngen qaýipke toıtarys berý úshin jańa sharalardy qolǵa alý týraly sóz qozǵalǵan edi.
Aıta ketsek, KHDR jyl basynan beri osymen 17 ret zymyran ushyryp otyr.
AQSh Soltústik Koreıanyń gıperdybysty qarýlardy tájirıbeden ótkizip qana qoımaı, jaqyn arada ıadrolyq qarýdy da synap kórýi múmkin dep otyr.
Saltanat Kenjebaı