Pavlodar oblysynda belgisiz ishimdikten ýlanǵandardyń jeteýi de kóz jumdy, dep habarlaıdy Egemen.kz Pavlodarnews.kz saıtyna silteme jasap.
О́ńirlik densaýlyq saqtaý basqarmasynyń málimetinshe, 48 jastaǵy turǵyn Pavlodar qalalyq №3 aýrýhanasynyń reanımasııasyna jatqyzylǵan.
«Naýqas 1974 jyly týǵan, jaǵdaıy óte aýyr dep baǵalandy. О́kinishke qaraı, pasıentti qutqarý múmkin bolmady. Osylaısha, belgisiz suıyqtyqtan ýlanǵan jeti adam da qaıtys boldy», dep naqtylady vedomstvo.
Eske sala keteıik, Pavlodar oblysynda belgisiz suıyqtyqtan 7 adam ýlanyp, beseýi qaıtys boldy. Keıin aýrýhanaǵa jetkizilgen taǵy bir naýqas kóz jumǵan.
Aıta keteıik, polısııa búkil kóz jumǵandardyń Ertis aýdany turǵynynyń úıinde bir ydysta saqtalǵan shyǵý tegi belgisiz suıyqtyqty ishkenin anyqtady. Ydys alynyp, suıyqtyqtyń qaldyǵyna saraptama jasalatyn boldy.
Zertteý nátıjesi boıynsha ólimniń sebebi anyqtalady.